Paano titingnan kung sinusuportahan ng Android device ko ang eSIM?

Nakadepende ang kakayahan ng eSIM ng device, una, kung isinama ng manufacturer ang nabanggit na feature sa kanilang device. Ito ang dahilan kung bakit mayroon kaming listahan ng mga compatible na device para sa madaling pagtingin.

Gayunpaman, may mga situwayon kung saan kahit pa nakalista ang modelo bilang eSIM capable, posible pa ring hindi ka makakapagdagdag ng eSIM plan.

Open-source na operating system ang Android, na nangangahulugang puwede itong i-customize ng sinumang manufacturer o carrier ng mobile device. Kaya posibleng may mga modelong na-release sa ilang rehiyon o bansa na walang kakayahan sa eSIM o na ang pangunahing carrier, kung kanino mo binili ang device, ay posibleng hindi in-enable ang feature na ito.

Nasa ibaba ang ilang hakbang na nakolekta namin para tingnan kung may kakayahan sa eSIM ang iyong device. Posibleng angkop o hindi ang mga ito sa iyong device. Pakitandaan na ang pinakamahusay na paraan para makumpirma ang feature na eSIM ay sa manufacturer, vendor, o pangunahing carrier pa rin ng iyong device.

Samsung devices

1. Pumunta sa Mga Setting> Koneksyon> SIM card manager> Magdagdag ng Mobile plan 
2. Kung available ang “Magdagdag ng Mobile plan”, nangangahulugan ito na sinusuportahan ng iyong device ang mga eSIM.

Huwag kalimutang kontakin ang Samsung support para kumpirmahin kung posible para sa iyong device ang mga hakbang na nasa itaas.

Mga Pixel device

1. Pumunta sa Mga Setting >> Network at Internet
2. Pindutin ang ‘+’ sign sa tabi ng mga SIM.
   • Kung may opsyon na “Mag-download na lang ng SIM?” ang page na Kumonekta sa Mobile network, nangangahulugan ito na eSIM capable ang iyong device.

Huwag kalimutang kontakin ang Google Pixel support o ang iyong vendor o pangunahing carrier para kumpirmahin kung posible para sa iyong device ang mga hakbang na nasa itaas.

Iba pang mga Android device

1. I-dial ang *#06# at pindutin ang call
2. Kung sakaling eSIM capable ang device mo, magagawa mong makita ang eSIM unique identification number (EID) ng iyong device. 

Huwag kalimutang sumangguni sa manufacturer ng iyong device, vendor, o pangunahing carrier para kumpirmahin kung posible para sa iyong device ang mga hakbang na nasa itaas.

Kung may mga tanong ka, huwag mag-atubiling kontakin ang support.