بعض eSIMs Airalo کی آفرز میں کالز اور ٹیکسٹس (SMS) کرنے کی سہولت بھی شامل ہوتی ہے۔ اگر آپ کو اپنی eSIM کے ساتھ کالز اور ٹیکٹس کرنے میں مشکل پیش آ رہی ہے، تو یہ متعدد وجوہات کے باعث ہو سکتا ہے۔

کیا میری eSIM میں کالز اور ٹیکٹس شامل ہیں؟

اگرچہ Airalo کالز اور ٹیکسٹس کے ساتھ eSIMs کی بھی پیشکش کرتا ہے، تاہم اکثر میں صرف ڈیٹا شامل ہوتا ہے۔

آپ اپنی eSIM کی اضافی معلومات میں موجود "پلان کی قسم" کے نیچے یہ دیکھ سکتے ہیں کہ آیا اس میں کالز اور ٹیکسٹس شامل ہیں۔

"ڈیٹا، وائس اور ٹیکسٹ" پلانز میں کالز اور ٹیکسٹس شامل ہیں۔ "صرف ڈیٹا" پلانز میں کالز اور ٹیکسٹس شامل نہیں ہیں۔

میں کہاں تلاش کر سکتا ہوں کہ آیا eSIM میں کالز اور ٹیکسٹس شامل ہیں؟

eSIM خریدنے سے قبل، آپ کو چیک آؤٹ کرنے سے پہلے اضافی معلومات ملے گی۔ 

eSIM خریدنے کے بعد، میری eSIMs پر جائیں اور متعلقہ eSIM منتخب کریں — آپ کو "مزید دکھائیں" سے اضافی معلومات ملے گی۔

کیا میں صرف ڈیٹا کی حامل eSIMs کے ساتھ پیغامات کی ایپس استعمال کر سکتا ہوں؟

جی ہاں، آپ صرف ڈیٹا کی حامل eSIMs کے ساتھ کالز کرنے کے لیے عموماً WhatsApp، Telegram، اور Signal جیسی پیغامات کی ایپس استعمال کر سکتے ہیں — یہ ایپس عام طور پر صرف ڈیٹا استعمال کرتی ہیں۔

میری کالز اور ٹیکٹس کی حامل eSIM کام کیوں نہیں کر رہی؟

اگر آپ کی eSIM میں کالز اور ٹیکٹس شامل ہیں، تو کالز اور ٹیکسٹس بھیجنے یا وصول کرنے میں مشکل پیش آنے کی صورت میں درج ذیل پر عمل کریں:

1۔ یقینی بنائیں کہ eSIM انسٹال ہے — یہ آپ کو اپنی ڈیوائس کی ترتیبات میں نظر آنی چاہیئے۔
2. یقینی بنائیں کہ آپ کی eSIM کالز اور ٹیکسٹس کے لیے منتخب کردہ ہے — انسٹالیشن کی ہدایات میں موجود مراحل پر عمل کریں۔
3۔ یقینی بنائیں کہ آپ eSIM کے کوریج ایریا میں موجود ہیں — صرف یہی وہ مقام ہے جہاں آپ کی eSIM کام کرے گی۔

اگر آپ نے اوپر دی گئی تمام ہدایات پر عمل کر لیا ہے، تو eSIM کے نیٹ ورک کو دستی طور پر منتخب کرنے کی کوشش کریں۔ آپ کی eSIM اپنے کوریج ایریا میں کسی نیٹ ورک سے مربوط ہو جائے گی — بعض اوقات یہ متعدد نیٹ ورکس سے بھی مربوط ہو سکتی ہے۔ یہ عام طور پر خود کار طریقے سے سب سے مستحکم دستیاب نیٹ ورک کو منتخب کرے گی، لیکن حادثاتی طور پر غیر مستحکم نیٹ ورک سے بھی مربوط ہو سکتی ہے۔

اپنی eSIM کے لیے دستیاب نیٹ ورکس کی فہرست دیکھنے کی غرض سے eSIM کی تفصیلات پر جائیں۔ اپنی ڈیوائس کی موبائل نیٹ ورک کی ترتیبات کے ذریعے درست نیٹ ورک کو دستی طور پر منتخب کرنے کے لیے مراحل پر عمل کریں۔ یہ کالز یا SMS کے حوالے سے مسائل کو حل کرنے میں اکثر مدد کرتا ہے۔

کوئی تبدیلیاں کرنے کے بعد، اگر آپ کو اب بھی مشکل پیش آ رہی ہے تو اپنی ڈیوائس ری اسٹارٹ کریں۔

میں اپنی eSIM سے بین الاقوامی کالز اور ٹیکٹس کیسے کر سکتا ہوں؟

اپنی eSIM سے بین الاقوامی کالز یا ٹیکٹس کرنے کے لیے آپ کو ہمیشہ ملک کا کوڈ شامل کرنا ہو گا— یقینی بنائیں کہ آپ پلس علامت (+) کے ساتھ فون نمبرز درج کرتے ہیں۔

- درست: +1 555 123 4567
- غلط: 001 555 123 4567 یا 0555 123 4567

اگر ایریا کوڈ صفر سے شروع ہوتا ہے، تو بین الاقوامی کال ڈائل کرتے وقت صفر ہٹا دیں۔

- درست: +30 73 1234 5678
- غلط: +30 073 1234 5678

لوگ میری Discover+ eSIM پر کال یا ٹیکسٹ کیسے کر سکتے ہیں؟

Discover+ eSIM کو ڈائل کرتے وقت، آپ کو درج ذیل شامل کرنا ہو گا:

- جمع کی علامت (+)
- eSIM کا ملکی کوڈ (عام طور پر "+1")
- فون نمبر

آپ کو ملک کا کوڈ الگ سے تبدیل کرنے یا درج کرنے کی ضرورت نہیں ہے۔ 

اگر آپ کے اب بھی کوئی سوالات ہیں، تو ہماری سپورٹ ٹیم آپ کے لیے یہاں موجود ہے۔ ہم 24/7 دستیاب ہیں اور مدد کر کے ہمیشہ خوشی ہوتی ہے۔