Turkiya
Tailand
Xitoy
AQSH
Singapur
Indoneziya
Fransiya
Ummon
Irlandiya
Yaponiya
Saudiya Arabistoni
BraziliyaHissamiz
Xalqaro tashkilot sifatida, Airalo barqarorlik, insonlar salomatligi, xavfsizligi va farovonligini mustahkamlashga qaratilgan koʻplab tashabbuslarga investitsiya kiritgan. Global adolat koʻplab shakllarda namoyon boʻladi. Biz hamma yerda va barcha uchun aloqaning taʼminlashiga qattiq ishonamiz. Qanday texnologiyani ishlatishingiz va qayerda boʻlishingizdan qatʼi nazar, bizning maqsadimiz – sizni aloqa bilan taʼminlashdir. Dunyo aholisi bir-biri bilan tobora oʻzaro bogʻlanib borarkan, texnologiyadan uning potensialidan toʻliq foydalanish erkinlik va imkoniyatdan zaruratga aylandi. Biz raqamli kelajak sari intilmoqdamiz, shu sababli, plastikka boʻlgan ehtiyoj va odatiy SIM karta chiqindilari miqdorini kamaytiruvchi ekologiya uchun zararsiz hamda innovatsion yechimlarni targʻib qilishda davom etamiz. Biz quyidagi tashabbuslarga boshchilik qilmoqdamiz:
Yordam
Kompaniyamiz xalqaro aloqa bilan shugʻullanadi, shu sababli, biz har doim ehtiyoj mavjud joylarda aloqani taʼminlash uchun telekommunikatsiya infratuzilmamiz hamkorlik munosabatlarimizdan foydalanamiz. Biz quyidagilar uchun internet xizmatlarini taqdim etdik:
“Help Ukraine Connect” fondi, 2022
Airalo jamoasi urush tufayli qochishga majbur boʻlgan millionlab ukrainlarga yordam berish maqsadida “Help Ukraine Connect” fondini yaratdi. Toʻplangan mablagʻlar bevosita ushbu qiyin damlarda internetdan foydalanishga muhtoj ukrainlarga yoʻnaltiriladi.
Myanmadagi fuqarolik tartibsizliklari, 2021
Myanmadagi fuqarolik ziddiyati va tartibsizliklari vaqtida aloqa xizmatlari tanqisligi yuzaga keldi va aksariyat aholi muhim SIM kartalardan foydalana olmadi. Yaxshiyamki, Airalo eSIM xizmatlari faoliyati toʻxtamadi. Biz tez orada bu mintaqada maʼlumotlarni uzatish uchun yetakchi yechimga aylandik. Airalo kompaniyasi Myanma va dunyoning qolgan qismi orasidagi aloqani saqlash uchun vaqt, mablagʻ va resurs ajratdi.
Avstraliyadagi oʻrmon yongʻinlari, 2020
Airalo jamoasi yordam fondini tashkil qildi: Avstraliyada eSIM sotuvidan tushgan barcha daromadlar Avstraliyadagi oʻrmon yongʻinlaridan eng koʻp zarar koʻrganlarga yoʻnaltirildi.
Taʼlim
Airalo bolalar fondi bolalarga homiylik qiluvchi xalqaro notijorat tashkilot – Children International bilan hamkorlikda tashkil etilgan. Bu Airalo fondi rivojlanayotgan davlatlardagi bolalarni moliyalashtiradi: ularga oziq-ovqat, suv, boshpana va taʼlim masalalarida yordam beradi. Bizning maqsadimiz – kompaniyamizdagi har bir yangi xodim uchun bir nafar bolaga moliyaviy yordam koʻrsatishdir: umid qilamizki, Airalo kompaniyasini rivojlantirish orqali bu bolalar uchun ham yaxshiroq kelajak qurishga yordam beramiz.
Toza suv
Airalo markazda quduq qurish orqali Kamerundagi Babu shaharchasiga yordam bergan. Afrikaning qishloq joylarida har kuni millionlab odamlar toza, xavfsiz ichimlik suvi yetishmasligidan aziyat chekadi. Butun dunyoda har toʻqqiz kishidan biri toza suvdan foydalanish imkoniga ega emas, lekin Afrika mintaqalarida bu koʻrsatkich yanada ayanchliroq – har toʻqqiz kishidan sakkiz nafari toza suv ichish imkoniga ega emas. Tegishli sifatga ega suvning mavjud emasligi kundalik va jiddiy muammodir. Suvsiz ekin yetishtirish, salomatlikni saqlash, maktabga borish va ishlash imkonsizdir. Bu zaruriy manbaning yetishmasligi maktab yoshidagi bolalarni muqarrar qashshoqlikka yetaklaydi. Xavfsiz ichimlik suvining mavjudligi yaxshiroq hayotga erishish yoʻlidagi ilk toʻsiqni yoʻqqa chiqaradi hamda muammolarni imkoniyatga aylantiradi – taʼlim, iqtisodiy farovonlik va salomatlikning yaxshilanishi sari yoʻl ochadi.
Ekologik barqarorlik
Plastmassa – sayyoramiz uchun ulkan yukdir, shu sababli, plastik SIM kartalar va ularning qadogʻiga boʻlgan ehtiyojni sezilarli darajada kamaytiruvchi mahsulotni yaratganimizdan faxrlanamiz. Har yili 4 milliarddan ortiq SIM karta ishlab chiqariladi (keyinchalik tashlab yuboriladi); bu jarayonda millionlab tonna plastmassa ishlab chiqariladi, tonnalab yoqilgʻi yoqiladi va tobora kamayib borayotgan resurslar ishlatiladi. Butun dunyo ishlab chiqarish va yetkazishda imkon qadar ekologiyaga zararsiz amaliyotlardan foydalanishga intilar ekan, Airalo muntazam ravishda oʻz uglerod izini kamaytirishning yangi va innovatsion usullarini izlash majburiyatini zimmasiga olgan.
Apple App Store doʻkonining Airalo sahifasiga yoʻnaltiradi.
Google Play doʻkonining Airalo sahifasiga yoʻnaltiriladi.
