Ինտերնետի օգտագործումն ամբողջովին կախված է ձեր սարքի կարգավորումներից և օգտագործման ձեր սովորություններից։

Եթե նկատել եք, որ ձեր eSIM-ի ինտերնետը չափազանց արագ է սպառվում, այս ուղեցույցը կօգնի ձեզ օպտիմալացնել ձեր սարքում ինտերնետի օգտագործումը։

Ինչպես ստուգել օգտագործված ինտերնետի ծավալը

Դուք կարող եք ստուգել, թե որոնք են ամենաշատ ինտերնետ սպառող հավելվածները ձեր սարքում։ Սովորաբար դա կարող եք ստուգել սարքի կարգավորումներում։

Ինչպես ստուգել և սահմանափակել ինտերնետի օգտագործումը iOS սարքերում

Դուք կարող եք ստուգել օգտագործված ինտերնետի ծավալը iOS սարքերում, ինչպես նաև անջատել ինտերնետի օգտագործումը որոշ հավելվածների համար ձեր սարքի կարգավորումներում։

1. Անցեք Կարգավորումներ > Բջջային կապ։
2. Պտտեք մինչև «[ակտիվ eSIM]-ի բջջային ինտերնետ» բաժինը։
3. Ստուգեք, թե որ հավելվածներն են շատ ինտերնետ օգտագործում։
4. Անհրաժեշտության դեպքում անջատեք հավելվածների ինտերնետը։

Ինչպես ստուգել ինտերնետի օգտագործումը Samsung սարքերում

Samsung սարքերում օգտագործված ինտերնետի ծավալը կարող եք ստուգել կարգավորումներում։

1. Անցեք Կարգավորումներ > Միացումներ > Ինտերնետի օգտագործումը։
2. Պտտեք մինչև ձեր ակտիվ eSIM-ը և ընտրեք Բջջային ինտերնետի օգտագործումը

Ինչպես ստուգել ինտերնետի օգտագործումը այլ Android սարքերում

Android սարքերում օգտագործված ինտերնետի ծավալը կարող եք ստուգել կարգավորումներում։

1. Անցեք ԿԱՐԳԱՎՈՐՈՒՄՆԵՐ և սեղմեք ՑԱՆՑ ԵՎ ԻՆՏԵՐՆԵՏ։
2. Սեղմեք SIM-քարտեր և ընտրեք ձեր ակտիվ eSIM-ը։
3. Պտտեք ներքև մինչև տեսնեք ՀԱՎԵԼՎԱԾԻ ԿՈՂՄԻՑ ԻՆՏԵՐՆԵՏԻ ՕԳՏԱԳՈՐԾՈՒՄԸ և սեղմեք դրա վրա։

Քայլերը կարող են տարբեր լինել՝ կախված ձեր սարքի մոդելից։

Ինչպես նվազեցնել ինտերնետի օգտագործումը

Հետևյալ գործողությունները կարող են օգնել ձեզ խնայել ինտերնետը և երկարացնել ձեր eSIM-ի օգտագործման ժամկետը։

• Անջատեք ինտերնետը, երբ չեք օգտագործում սարքը։ Միացրեք բջջային ինտերնետը միայն այն ժամանակ, երբ պետք է օնլայն ռեժիմում լինեք։ Մնացած ժամանակ, երբ այն անջատում եք, դուք կանխում եք ինտերնետի անհարկի օգտագործումը ֆոնային ռեժիմում։
• Խուսափեք ձեր կապը ուրիշ սարքերի հետ կիսելուց։ Հոթսփոթի միջոցով ինտերնետ կապի կիսումը սպառում է ձեր բջջային ինտերնետի պլանը։ Եթե դուք կիսել եք ձեր կապը, դա կարող է ինտերնետի արագ սպառման պատճառ հանդիսանալ։
• Սահմանափակեք մեծ ծավալի ինտերնետ պահանջող գործողությունները։ Տեսանյութերի դիտումն առցանց ռեժիմում, պրեզենտացիաների անցկացումը կամ փաստաթղթերի տպումը բջջային ինտերնետի օգտագործմամբ կարող են արագ սպառել ձեր սակագնային պլանը։ Հնարավորության դեպքում այս գործողությունների համար նախապատվությունը պետք է տրվի Wi-Fi ցանցերին։
• Օգտագործեք տվյալների սեղմման գործառույթով զննարկիչ: Google Chrome-ի և Opera Mini-ի նման զննարկիչները կարող են սեղմել բովանդակությունը՝ այն ձեր հեռախոսին ուղարկելուց առաջ, ինչը թույլ է տալիս կրճատել ինտերնետի սպառումը համապատասխանաբար մինչև 50% և 90%։
• Ներբեռնեք բովանդակությունը՝ օֆլայն ռեժիմով դիտելու համար։ Google Maps-ի, Netflix-ի կամ YouTube-ի նման հավելվածների համար օգտագործեք քարտեզներ, ֆիլմեր կամ երաժշտություն ներբեռնելու տարբերակը, երբ միացած եք Wi-Fi ցանցին։ Այսկերպ դուք կկարողանաք հասանելի լինել դրանց օֆլայն ռեժիմում՝ առանց բջջային ինտերնետ օգտագործելու։
• Այսկերպ դուք կկարողանաք հասանելի լինել դրանց օֆլայն ռեժիմում՝ առանց բջջային ինտերնետ օգտագործելու։ Google-ի կամ Facebook-ի նման հավելվածների համար հաշիվների ավտոմատ սինքրոնացումը կարող է անհարկի ինտերնետի սպառման պատճառ դառնալ։ Անջատեք այս գործառույթն այն հավելվածների համար, որոնք անհրաժեշտ չէ մշտապես սինքրոնացնել։

Ինչպես կրճատել ինտերնետի օգտագործումը iOS սարքերում

• Անջատեք Wi-Fi Assist գործառույթը։ Այս գործառույթն ավտոմատ կերպով անցնում է բջջային ինտերնետի ցանցին, երբ Wi-Fi կապը թույլ է։ Չնայած հարմարավետությանը, դա կարող է հանգեցնել ինտերնետի անսպասելի սպառման։ Այն անջատելու համար կատարեք հետևյալ քայլերը․
  • Անցեք Կարգավորումներ > Բջջային կապ (կամ Շարժական կապ)։
  • Պտտեք ներքև և անջատեք Wi-Fi Assist գործառույթը։
• Անջատեք հավելվածների ավտոմատ թարմացումը։ Հավելվածների և համակարգի թարմացումները կարող են մեծ ծավալի ինտերնետ սպառել։ Կարգավորեք ձեր սարքն այնպես, որ թարմացումները ներբեռնվեն միայն Wi-Fi-ի միջոցով։
  • Անցեք Կարգավորումներ > հավելվածներ > App Store և անջատեք Բջջային ինտերնետ ընտրանքն Ավտոմատ ներբեռնումների համար։
• Կարգավորեք iCloud Drive-ի պարամետրերը։ Եթե iCloud Drive-ի կարգավորումներում օգտագործվում է բջջային ինտերնետ, ապա ֆայլերի սինքրոնացումը կարող է մեծ ծավալի ինտերնետ սպառել։ Այն անջատելու համար կատարեք հետևյալ քայլերը․
  • Անցեք Կարգավորումներ > Բջջային կապ (կամ Շարժական կապ)։
  • Պտտեք ներքև և անջատեք iCloud Drive ընտրանքը։
• Անջատեք բջջային ինտերնետը լուսանկարների սինքրոնացման հավելվածների համար։ Այնպիսի հավելվածներ, ինչպիսիք են iCloud Photos-ը կամ Google Photos-ը, կարող են ավտոմատ կերպով սինքրոնացնել ձեր լուսանկարներն ու տեսանյութերը՝ միաժամանակ սպառելով մեծ ծավալի ինտերնետ։ Այս հավելվածների կողմից ինտերնետի օգտագործումն անջատելու համար կատարեք հետևյալ քայլերը․
  • Անցեք Կարգավորումներ > Հավելվածներ։
  • Հպեք ձեր ուզած հավելվածի պատկերակին (օրինակ՝ iCloud կամ Լուսանկարներ)։
  • Անջատեք Բջջային ինտերնետ ընտրանքն այդ հավելվածի համար։

Ինչպես կրճատել ինտերնետի օգտագործումը Android սարքերում

• Անջատեք ինտերնետի օգտագործումը ֆոնային ռեժիմում։ Շատ հավելվածներ շարունակում են սպառել ինտերնետ ֆոնային ռեժիմում՝ ծանուցումներ ուղարկելու, թարմացումներ ստանալու կամ տեղեկատվությունը սինքրոնացնելու համար։ Այս գործառույթի անջատումը թույլ կտա ինտերնետ խնայել։
• Անջատեք հավելվածների ավտոմատ թարմացումը։ Ինչպես iOS սարքերի դեպքում, բջջային ինտենետի միջոցով հավելվածների ավտոմատ թարմացումները շատ ինտերնետ են սպառում։
  • Բացեք Google Play Store-ը։
  • Անցեք Կարգավորումներ > Ցանցի կարգավորումներ > Հավելվածների ավտոմատ թարմացում։
  • Ընտրեք Միայն Wi-Fi-ով։
• Ինտերնետի օգտագործման սահմանաչափ դրեք։ Android-ը թույլ է տալիս դնել ինտերնետի սահմանաչափ։ Երբ ձեր օգտագործած ինտերնետի ծավալը հասնի այս սահմանաչափին, բջջային ինտերնետն ավտոմատ կերպով կանջատվի՝ հետագա սպառումը կանխելու համար։
  • Կարգավորումներ > Ինտերնետի օգտագործումը բաժնում կարող եք կարգավորել ինտերնետի սպառման մասին զգուշացումը և ինտերնետի ծավալի սահմանափակումը։

Հուսով ենք, որ այս խորհուրդները կօգնեն ձեզ ավելի լավ կառավարել ինտերնետի օգտագործումը։ Եթե լրացուցիչ օգնության կարիք ունենաք, մեր աջակցման թիմը միշտ ձեր տրամադրության տակ է։ Մենք հասանելի ենք 24/7 ռեժիմով և պատրաստ ենք ձեզ օգնել։