Mga roaming fee...

Paboritong secret weapon ito ng mga domestic carrier. Kapag ginamit ang telepono sa ibang bansa, manganganib kang magkaroon ng napakataas na mga rate kahit pa anong ingat ang ginagawa mo.

Napaharap ang karamihan sa mga biyahero sa mataas na bill ng telepono na ilang daang dolyar na mas mataas kaysa inaasahan. Narinig na rin natin ang mga horror story ng hindi inaasahang mga singil sa roaming.

Mabuti na lang ay may ilang hakbang na puwede mong gawin para makatipid sa mga roaming fee habang bumibiyahe.

Mangingibang-bansa ka man nang mahabang panahon o papasyalan ang pamilya sa kabilang bansa sa weekend, narito ang apat na diskarte para masigurong hindi ka babalik nang may kasamang nakakagulat na singil sa telepono.

Apat na Diskarter para Makatipid sa Mga Roaming Fee Habang Nagbibiyahe

Huwag asahang mairereklamo mo ang bill kung nakalimutan mong i-off ang iyong data bago ka bumiyahe.

Kung papunta ka sa ibang bansa, may ilang ruta na puwedeng gamitin para matulungan kang makatipid sa mga roaming fee habang nagbibiyahe. Walang isang tamang paraan, kaya narito ang apat na diskarteng puweden isaalang-alang. Bawat isa ay may mga kalamangan, kaya isiping mabuti kung ano ang kakailanganin sa susunod mong biyahe.

1. Makipag-ugnayan sa Iyong Carrier nang Patiuna

Bago ka bumiyahe, makipag-ugnayan sa iyong carrier may kinalaman sa mga opsyon para sa international data. Nag-aalok ang ilang carrier ng flat rate na international data. Kadalasan ay hindi ito ang pinakamurang mga phone plan, pero posibleng mas sulit ito kung palagi kang bumibiyahe.

Gayundin, nag-aalok ang ibang mga carrier ng libreng international data para sa ilang bansa, o libreng data sa buong mundo … sa mga speed na 2G. Kung ok sa iyo ito, baka posible itong isaalang-alang.

Panghuli, posibleng mag-alok ang iba ng mga data plan para sa maikling panahon. Posibleng mag-iba-iba ang mga rate ayon sa bansa, rehiyon, o tagal, kaya siguruhin na magtanong nang magtanong hangga't posible.

2. Umasa sa Local Wi-Fi

Maraming biyahero ang nagpapasiyang hindi gagamit ng data, umaasa sa mga WiFi hotspot na nasa lugar. Matagal nang nakakatipid na diskarte ito na gumagana nang mabuti sa maraming urban na lugar. Gayunpaman, posibleng mas ahirap itong gawin sa mga rural o remote na mga lugar.

Ang diskarte para umasa sa WiFi ay ang pag-disable sa iyong data. Ibig sabihin, io-off mo ang data sa mga setting. Huwag umasa sa airplane mode dahil posible pa ring tumatakbo ang mga background service na gumagamit ng data.

Para mas ligtas, marami ang nag-aalis ng mga SIM card nila sa mga telepono nila. Kailangan mo ng ligtas na lugar para itago ito.

Gagana pa rin ang telepono mo sa WiFi kahit walang data. Karagdagan pa, mananatiling aktibo ang mga emergency service. Magagamit mo ang GPS kung na-download mo ang mga lokal na mapa sa Google Maps. Sulitin ito dahil makakatulong ito sa iyong pupuntahan. Pagkatapos nito:

  • Maghanap ng mga coffee shop na nag-a-advertise ng libreng WiFi.
  • Tingnan kung puwede mong ma-acces ang libreng WiFi sa mga pampublikong library o iba pang mga municipal na gusali.
  • Pag-isipan ang pagkuha ng coworking membership kung freelancer ka.
  • Mag-ingat sa pag-access ng mga kaduda-dudang WiFi network, lalo na mga open network sa mga alanganing lugar.

3. Kumuha ng Loka na SIM Card

Isa pang diskarte na ginagawa ng maraming sanay na biyahero habang nasa ibang bansa ang paggamit ng mga lokal na SIM card. Bumili ng SIM card sa destinasyon mo at ilagay iyon sa telepono mo. Makakakuha ka ng lokal na numero gayundin ng access sa data sa mga lokal na network. Kapag ginawa nang tama, puwede itong maging mura, madaling paraan para manatiling konektado habang nasa biyahe ka.

Siyempre pa, kung parang masyado itong madali o hindi ito kapani-paniwala, iyon ay dahil kung minsan ay parang hindi nga. Bagaman bibili ka ng lokal na SIM card na kadalasang walang problema, mas madalas na may nangyayaring mali sa mga pagbiling tulad nito. Halimbawa:

  • Posibleng makabili ka ng SIM card na hindi ibinibigay kung ano ang naka-advertise.
  • Posibleng masingil ka nang mahal.
  • Posibleng makabili ka nang hindi sinasadya ng maling uri ng card para sa telepono mo.

Mas malamang na mangyayari ang mga problemang ito kapag may hadlang sa wika o kapag bumili ka sa isang hindi awtorisadong dealer.

4. Kumuha ng eSIM

Panghuli, mayroon kabang device na puwede ang eSIM?

Ang ibig sabihin ng eSIM ay embedded SIM card. Maliit itong chip na nakahinang sa circuitry ng iyong telepono. Para magamit ito, kailangan mong mag-download ng data pack mula sa isang provider o marketplace. Kapag na-activate na ito, magkakaroon ka kaagad ng data at connectivity.

Napakaraming pakinabang ng paggamit ng eSIM<1>, kabilang ang kung gaano ito kabilis at kadali. Gayundin, puwede kang mag-download ng maraming data pack at lumipat sa pagitan ng mga ito kapag kailangan habang bumibiyahe ka. Dahil nakikipag-partner sa mga carrier ang karamihan sa marketplace, maa-access mo rin ang mga data plan sa lokal na mga presyo, na nagreresulta sa pagiging sulit na opsyon ang eSIM.

Ang isa pang magandang bagay sa paggamit ng eSIM ay na maraming telepono ang puwedeng gumamit ng dual SIM. Nangangahulugan ito na hindi mo tatanggalin ang domestic SIM card mo sa iyong telepono. Sa halip, io-off mo lang ang data para sa SIM card na iyon, pagkatapos ay magpapatuloy sa paggamit ng voice at text nang normal habang ginagamit ang data pack sa iyong eSIM. Dahil madalas nag-aalok ang mga carrier ng murang international texting at calling, napakahusay na paraan nito para makatipid sa mga roaming fee habang bumibiyahe. Karagdagan pa, posibleng kakailanganin mo ang iyong karaniwang numero para sa mga authentication.

Makatipid sa Mga Roaming Fee Habang Nagbibiyahe gamit ang Airalo

Posibleng sobrang taas ng mga roaming fee, pero hindi mo kailangang magbayad para sa mga ito sa tuwing nasa ibang bansa ka. Napag-usapan natin ang ilang diskarte na puwede mong gamiting para makatipid sa mga roaming fee habang bumibiyahe at magkaroon pa rin ng antas ng connectivity na kailangan mo habang nasa ibang bansa ka.

Mula sa pag-asa sa mga WiFi hotspot hanggang sa pagbili ng isa o tatlong eSIM, may kasing daming paraan para masolusyunan ang connectivity sa dami ng bihaye sa ibang bansa. Huwag magpasilo sa ilang mahal na data plan o gugulin ang bakasyon mo nang nag-aalala tungkol sa magiging bill sa telepono mo sa pag-uwi mo. Sa halip, gamitin ang isa o lahat ng mga travel hack na ito at i-enjoy ang adventure.

Tingnan ang Airalo marketplace ngayon para matuklusan ang pinakamurang mga eSIM plan.