Si ta kontrolloj nëse pajisja ime Android i pranon kartat eSIM?

Nëse një pajisje i pranon kartat eSIM varet nga fakti nëse prodhuesi përfshin një kartë eSIM në pajisje. Prandaj kemi një listë me pajisje që pranojnë karta eSIM për ta kontrolluar lehtësisht.

Megjithatë, ka disa raste kur një pajisje nuk e mbështet teknologjinë e kartave eSIM, edhe pse është listuar si pajisje që i pranon kartat eSIM. 

Android është një sistem operimi me burim të hapur, që do të thotë që çdo prodhues pajisjesh ose operator mund ta personalizojë. Në disa shtete dhe rajone, mund të ketë modele që lëshohen pa aftësi për të pranuar karta eSIM. Ose operatori nga i cili e keni blerë pajisjen mund të mos e ketë aktivizuar funksionin e kartave eSIM.

Ndiqni hapat më poshtë për të kontrolluar nëse pajisja juaj Android e mbështet teknologjinë e kartave eSIM. Kini parasysh që hapat mund të jenë ose jo të zbatueshëm për pajisjen tuaj. Mënyra më e mirë për të konfirmuar aftësinë e pranimit të kartave eSIM është nëpërmjet prodhuesit, shitësit ose operatorit parësor të pajisjes suaj.

Për pajisjet Samsung Galaxy:

  1. HAPNI aplikacionin “Parametrat” dhe pastaj PREKNI “Lidhjet”.
  2. PREKNI “Menaxheri i kartave SIM”.
  3. Nëse “Shto kartë eSIM” është e disponueshme, me shumë gjasa pajisja juaj i mbështet kartat eSIM.

Mos harroni të kontaktoni ofruesin ose prodhuesin e pajisjes për të konfirmuar nëse hapat e mësipërm janë të mundur për pajisjen tuaj.

 

Për pajisjet Google Pixel:

  1. HAPNI aplikacionin “Parametrat” dhe më pas PREKNI “Rrjeti dhe interneti”.
  2. PREKNI shenjën + pranë kartave SIM.
  • Nëse faqja “Lidhu me rrjetin celular” ka një opsion “Do të shkarkosh një kartë SIM në vend të kësaj?”, pajisja juaj i pranon kartat eSIM.

Mos harroni të kontaktoni ofruesin ose prodhuesin e pajisjes për të konfirmuar nëse hapat e mësipërm janë të mundur për pajisjen uaj.

 

Për pajisjet e tjera Android:

  1. SHTYPNI *#06# dhe prekni butonin e thirrjes.
  2. Nëse pajisja juaj i pranon kartat eSIM, do të jeni në gjendje të shikoni numrin unik të identifikimit të kartës eSIM të pajisjes (EID). 

 

Pajisja juaj duhet ta ketë operatorin e zhbllokuar për të përdorur një kartë eSIM. Kjo ju bën të mundur të përdorni disa karta SIM dhe/ose eSIM nga operatorë të ndryshëm. Ndiqni këta hapa për të kontrolluar nëse pajisja juaj Android është e zhbllokuar. 

  1. Hiqni kartën SIM nga telefoni.
  2. Zëvendësojeni kartën SIM me një tjetër kartë SIM nga një operator tjetër. 
  3. Tani mund të shihni që emri i operatorit në krye të ekranit kryesor ka ndryshuar.
  4. Tani bëni një thirrje.

Nëse telefonata bëhet, telefoni është zhbllokuar. Nëse nuk mund të bëni një telefonatë tani, telefoni është bllokuar nga operatori i parë. Në këtë çast, mund të shihni edhe një njoftim në ekran që thotë se telefoni është bllokuar.

Mos harroni të flisni me prodhuesin, shitësin ose operatorin kryesor të pajisjes për të konfirmuar që pajisja i pranon kartat eSIM nëse keni akoma pasiguri. 

Nëse keni pyetje, mos ngurroni të kontaktoni ekipin e mbështetjes dhe ne do t’ju ndihmojmë me kënaqësi.

Pyetje të ngjashme

Tema të tjera

Ju duhet akoma ndihmë?

Na kontaktoni dhe ekipi ynë i mbështetjes së klientit do t'ju kontaktojë sa hap e mbyll sytë.
Na dërgoni një mesazh
Të drejtat e autorit Airalo © 2024