გვესმის, რომ მოგზაურობის გეგმები შეიძლება მოულოდნელად შეიცვალოს, ან მოგზაურობისთვის მზადებისას მღელვარების გამო შეცდომები დაუშვათ. აი, როგორ შეგვიძლია დახმარება გეგმის არასწორი ქვეყნისთვის შეძენის ან დანიშნულების ადგილის შეიცვლის შემთხვევაში.
არასწორი eSIM-ის შეძენის ხშირი მიზეზები
მონაცემთა გეგმის არჩევისას შეცდომის დაშვება მარტივია. ჩვენი მომხმარებლები ხშირად ხვდებიან ასეთ სიტუაციებში:
- ქვეყნის სახელების არევა: მსგავსი სახელის მქონე ქვეყნის არჩევა (მაგალითად, ავსტრია ავსტრალიის ნაცვლად).
- გამგზავრების ქვეყანა დანიშნულების ადგილის ნაცვლად: საკუთარი ქვეყნის გეგმის შეძენა დანიშნულების ადგილის გეგმის ნაცვლად.
- რეგიონული eSIM ადგილობრივის ნაცვლად: ერთი ქვეყნის eSIM-ის შეძენა, როცა რეგიონული გეგმა უკეთესი იქნებოდა რამდენიმე გაჩერების შემცველი მარშრუტისთვის.
რა შემიძლია გავაკეთო არასწორი eSIM-ის შეძენის შემთხვევაში?
1. თანხის დაბრუნების მოთხოვნა
თუ eSIM-ის გამოყენებას ვერ ახერხებთ, ახლა უკვე შეგიძლიათ მოითხოვოთ თანხის დაბრუნება პირდაპირ თქვენი Airalo ანგარიშიდან.
- მოთხოვნის წესი: გადადით სექციაში „ჩემი eSIM-ები“, აირჩიეთ თქვენი პაკეტი და მოძებნეთ ღილაკი „თანხის დაბრუნების მოთხოვნა“ „პაკეტების ისტორიაში“. მისი პოვნა, ასევე, შეგიძლიათ შეკვეთის დეტალებში: პროფილი > შეკვეთები. გთხოვთ გაითვალისწინოთ, რომ ღილაკი გამოჩნდება მხოლოდ შესაბამის შეკვეთებზე, რადგან ვადაგასული ან სრულად გამოყენებული eSIM-ებისთვის თანხის დაბრუნება შეუძლებელია.
- აირჩიეთ თანხის დაბრუნების მიზეზი: შეგიძლიათ აირჩიოთ მიზეზებიდან: „არასწორი შენაძენი“, „გეგმები შეიცვალა“, „ინსტალაციის პრობლემები“ ან „eSIM არ მუშაობს“. გაითვალისწინეთ, რომ თუ არჩეულია „არასწორი შენაძენი“ ან „გეგმები შეიცვალა“, თანხის დაბრუნების ერთადერთი შესაძლო მეთოდი არის Airmoney (ჩვენი აპსშიდა ვალუტა). დანარჩენი ორის შემთხვევაში აირჩიეთ Airmoney ან თანხის დაბრუნება გადახდის თავდაპირველ მეთოდზე.
- დამუშავების დრო: Airmoney-ს ჩარიცხვა მყისიერია, თუმცა გადახდის თავდაპირველ მეთოდზე თანხის დაბრუნებას ჩვეულებრივ 7–10 სამუშაო დღე სჭირდება (ან 30 დღემდე, თქვენი ბანკიდან გამომდინარე).
მნიშვნელოვანი: თუ ბოლო დროს თანხის დაბრუნების რამდენიმე ავტომატური მოთხოვნა გაგზავნეთ, თქვენი მოთხოვნა, შესაძლოა, განსახილველად გაეგზავნოს ჩვენს მხარდაჭერის გუნდს.
2. გაუზიარეთ eSIM მეგობარს
თუ eSIM ჯერ არ დაგიინსტალირებიათ, შეგიძლიათ სხვას გაუზიაროთ. უბრალოდ, გაუგზავნეთ მას ინსტალაციის QR-კოდი, რომელსაც შეძენის შემდეგ მიიღებთ აპში. დაინსტალირებამდე მისი გადაცემა ნებისმიერ თავსებად მოწყობილობაზეა შესაძლებელი.
QR-კოდის გაზიარების წესი:
- eSIM-ის შეძენის შემდეგ გადადით აპში და QR-კოდის საპოვნელად აირჩიეთ „ჩემი eSIM-ები“.
- აირჩიეთ „ინსტალაცია ან გაზიარება“, ხოლო შემდეგ ეკრანზე — „გაზიარება და მეტი“. ამის შემდეგ თქვენი QR-კოდი ეკრანზე გამოჩნდება.
- ამ QR-კოდის გაზიარება შეგიძლიათ, თუ აირჩევთ „eSIM-ის გაზიარებას“ და გააგზავნით მას თქვენთვის სასურველი არხით (მაგ., ელფოსტით, შეტყობინების სერვისით ან თქვენი მოწყობილობის „Quick Share“ ფუნქციით). ასევე შეგიძლიათ ამობეჭდოთ ან სხვა მოწყობილობის ეკრანზე აჩვენოთ ის მეგობარს, რომ დაასკანიროს.
3. დაუკავშირდით ჩვენს მხარდაჭერის გუნდს
თუ თანხის დაბრუნების ღილაკი მიუწვდომელია ან დამატებითი დახმარება გჭირდებათ, დაუკავშირდით ჩვენს მხარდაჭერის გუნდს.
ამისთვის შეეხეთ აპში არსებულ ჩატის ნარინჯისფერ ღილაკს, შემდეგ კი აირჩიეთ „ჩატი Airalo-ს აპში“ ან „ჩატი WhatsApp-ში“. თქვენი შემთხვევა სწრაფად რომ განვიხილოთ, დაგვიკავშირდით, სანამ eSIM-ის დაყენებას ან გამოყენებას შეეცდებით.
თუ დამატებითი შეკითხვები გაქვთ ან დამატებითი დახმარება გჭირდებათ, დაუკავშირდით ჩვენს მხარდაჭერის გუნდს — ჩვენ ყოველთვის მზად ვართ, დაგეხმაროთ.
