Siyaseta Parastina Qada Kesane

Roja karîger: 3 Hezîran 2024an

AIRGSM PTE. LTD., pêkanîna bazirganiyê wek Airalo (www.AIRALO.com) (“Airalo,” “em,” “me,” yan “me”), girîngiya qata te ya taybetî tê derdixe. Rêmeşa Razdariyê anku Privacy Policy şêwaza berhevkirin, bikarhanîn, biparvekirin û parastina zanyariyên te yên kesane şirove dike ku wek daneyên kesane jî dihê naskirin. Ev Rêmeşa Razdariyê her wiha li ser maf û bijartinên te yên têkildarî daneyên te yên kesane û eva ku çawa tu dikarî ji bo wergirtina bersivên pirsên xwe digel me têkillî dayînî, agahiyan dide te.

Bi tomarkirina hesabekî yan bikarhanîn an serdana her malper, sepan, berhem, nermalav, alav, data feed yan xizmeta Airalo'yê (bi giştî "Ximzet"), tu şert û mercên vê rêmeş û siyasetê tê digihêjî û wê dipejirînî.

Ev Rêmeşa Razdariyê şirove dike ku em çawa zanyariyên te yên kesane berhev dikin, bi kar dihînin, aşkira dikin, hildigirin û diparêzin. Ji kerema xwe vê Rêmeşa Razdariyê bi baldarî bixwîne.

Pêrista babetan:

1. Qabiliyeta cihanînê ya vê Rêmeşa Razdariyê

2. Em Çawa Zanyariyên Kesane Berhev Dikin, Aşkira Dikin û Bi Kar Dihînin

3. Zanyariyên Ku Em Beerhev Dikin

4. Hilgirtina Daneyan

5. Em Çawa Zanyariyan Bi Kar Dihînin

6. Em Çawa Zanyariyên Kesane Bi Parve Dikin

7. Mafên Te

8. Veguhestina Daenyan & Veguhestina Daneyan a Navneteweyî

9. Ewlehî

10. Guherîn di Vê Rêmeşê da

11. Zarok

12. Zanyariyên Têkiliyê

13. Zanyariyên Zêdetir ji bo Niştecihên Kalîforniyayê

1. Qabiliyeta cihanînê ya vê Rêmeşa Razdariyê

Ev Rêmeşa Razdariyê ji bo bikarênerên xizmetên Airalo'yê di asta cîhanî da tê sepandin di nav da bikarênerên sepanên telefona mobayl a Airalo'yê, Platforma Partner, malper, taybetmendî yan xizmetên din, danûstandin (online û offline) digel Airalo'yê, karmend û daxwazkerên kar ("Xizmet").

Ev Rêmeşa Razdariyê şêwaza berhevkirin û bikaranîna daneyên Airalo'yê şirove dike û ji bo hemî bikarênerên Airalo'yê di asta cîhanê da dihê sepandin, meger ku xizmetekê bi kar bînin ku di bin daxuyaniyeke razdariyê ya cida da be. Ev Rêmeşa Razdariyê bi taybet ji bo babetên xwarê dihê sepandin:

• Bikarênerên Dawî: Takekesên ku bi rêya hesabê Airalo'ya xwe ji bo bikaranîna xwe ya kesane rasterast xizmetan bi kar dihînin û danûstandina wan digel wan heye.
• Bikarênerên Bazirganiyê: Airalo xizmetan raberî (“Bikarênerên Bazirganî ”) dike ku bi awayê rasterast û nerasterast zanyariyên kesane yên kirox’ê herî dawî têkildarî kar û pêşe û çalakiyên wan bikarênerên bazirganiyê didin ber destê me ’.
• Kirryarên dawî: Kesên ku xizmetên siparîşkirî ji aliyê xwediyên din ên hesabê Airalo'yê werdigirin, wek mînak, dema ku tu digel bikarênerekî bazirganiyê didî û distînî yan pê ra bazirganî dikî.
• Daxwazkerên kar: Takekesên ku daxwaza kar bo Airalo'yê dişînin.

2. Şêwaza me ya berhevkirin, aşkirakirin û bikaranîna zanyariyên kesane

Girêdayî bi şêwaza danûstandina te digel me û xizmetên me, em zanyariyên têkildarî te bi gellek şêwazan berhev dikin, di nav da:

• Rasterast ji aliyê te va, dema ku tu wan radestî me dikî, weke dema ku ji bo hesabekî tomar dikî, ji bo wergirtina pêwendiyan ji me tomar dikî, siparîş dikî, dikirrî, yan bi rêya telefon, Email an babetên din bi me ra têkillî dadihînî.
• Jixweber, bi bikaranîna kûkiyan, raporên serverê û teknolojiyên din ên wek wan, dema ku tu bi rêya xizmetên me yan bi rêya Emailan digel me danûstandin pêk tînî, di babetên ku qanûn rê dide yan di cihê ku tu dipejirînî da.
• Ji çavkaniyên din, di nav da, wek mînak, kompaniyên girêdayî, kompaniyên bazirganî, dabînkerên xizmetan, torên civakî yên serhêl û aliyên din ên sêyemîn, an jî ji çavkaniyên destragihîştî yên gelemperî. Wek mînak, eger tu daxwazeke kar bişînî yan bibî karmendek, dibe ku em ssehkirineke raboriyê pêk bînin.

Airalo dane û pergalên zanyariyan li gorî pêwîstiyên qanûnî, hestyaarî û girîngiya bazirganî destebendî dike da ku dilniya bibe ku zanyarî asteke guncan a parastinê bi dest dixin. “kontrolkera daneyan” saziyek e ku armanc û amûrên pêvajokirina daneyan tayîn dike. “Pêvajokera daneyan” saziyek e ku ji aliyê û di bin destûrkarên kontrolkerekê di pêvajokirina zanyariyên kesane va tev digere.

 

Airalo wek kontrolkereke daneyan

Airalo dema ku armanc û alavên pêvajokerên kesane tayîn dike, rola kontrolker digire ser milê xwe. Wek kontrolkereke daneyan, Airalo berpirsa dilniyabûn ji pêvajokirina daneyên kesane li gorî qanûnên têkildarî parastina daneyan e. Çalakiyên di bin şiyana kontrolkera daneyan a Airalo'y'ê ev in:

• Tomarkirinên Rasterast: Dema tomarkirina rasterast a bikarêneran li xizmetê, Airalo kontrolkera daneyan e. Ev yek ji bo van her duyan derbasdar e:
  • B2C Context: Bikarênerên dawî ku rasterast ji bo xizmetên Airalo'yê' tomar dikin.
  • B2B Context: Bikarênerên Bazirganî yan Kirryarên Dawî ku rasterast digel Airalo'yê tomar dikin.

Çalakiyên bingehîn:

• Raberkirina Xizmetan: Bikaranîna datayê ji bo raberkirina berhem û xizmetên Airalo'yê'
• Pêşîgirtin li Sextekariyê: Çavdêrî û naskirina danûstandin û çalakiyên sextekariyê.
• Pêbendiya Qanûnî: Pêbendî li sozên darayî, qanûnî û çavdêriyê yên sepanbar.
• Berzkirina Xizmetan: Pêşxistin û baştirkirina xizmet û berheman li gorî analîza daneyan.
• Pêvajokirina Daxwaza Kar: Birêvebirina zanyariyên kesane ji daxwaznameyên şixulînê.

 

Airalo wek pêvajokereke daneyan

Li senaryoyên ku Airalo ji aliyê û li gorî destûrkarên bikarênerekî bazirganî yê xizmetan raber dike, wek pêvajokereke daneyan tev digere. Ev pêk hatiye ji mewqiyên weke:

• B2B Context ji bo Kirryarên Dawî: Airalo wek pêvajokereke daneyan ji bo daneyên têkildarî Kirryarên Dawî yên Bikarênerên Bazirganî di damerandina B2B da tev digere.
• Cihanîna Xizmetan ji bo Bikarênerên Bazirganî: Şopandina destûrkarên bikarênerên bazirganî, weke îcadkirina hesaban û belavkirina eSIM'an di navbera Kirryarên Dawî.

Dema tevgeriyana wek pêvajokereke daneyan, em şîretî bikarêneran dikin ku ji bo zanyariyan li ser çawaniya hilgirtin û parastina daneyên xwe, rêmeşa razdariyê ya kontrolkera daneyan a têkildar (Bikarênerê Bazirganî) bi kar bînin. Airalo bi giranî pêbendî destûrkarên raberbûyî ji aliyê kontrolkera daneyan e û soz dide ku ji nihênîbûn û ewlehiya daneyên pêvajokirî li gorî qanûnên têkildarî parastina daneyan û sozên girêbestî piştrast bibe.

3. Zanyariyên ku em berhev dikin

Babetên li xwarê mînakinan ji cûreyê zanyariyên ku em di warên cûrbicûr berhev dikin û çawanîya bikaranîna wan zanyariyan raber dike.

Zemîne	Cûreyên Daneyan	Armanca Seretayî ji bo berhevkirin  û bikaranîna daneyan
Tomarkirina Hesab	Dema çêkirina hesab da, em nav û hûrgiliyên te yên têkilîdanînê weke Emailê berhev dikin. Em her wiha zanyariyên têkildarî kiryarên ku tu dema têketina nav hesabê xwe pêk tînî, berhev dikin.	Me meyl û eleqeyeke rewa bo raberkirina funksyonên têkildarî hesab bo bikarênerên xwe heye. Hesab dikarin ji bo peredana hêsan û hilgirtina eyarkirinên bijartî û raboriya miamileyan werin bikaranîn. Her wiha dibe ku em van zanyariyan ji bo cihanîna girêbesta xwe digel te pêvajo bikin.
Zanyariyên biyometrî	Nasînerên biyometrî ji ID'ya wêne û selfiyan.	Em zanyariyên biyometrî bi rezamendiya te pêvajo dikin da ku pênaseya te bi rêya pêvajoya KYC'yê heke li gorî qanûnê pêdivî be, piştrast bikin.
Bikarênerên Bazirganî	Em nav û hûrgiliyên têkillîdanînê, di nav da Email, hejmara telefonê û navnîşana fîzîkî ya karmendên Bikarênerên Bazirganî yên xwe ku dibe danûstandina me bi wan ra hebe, berhev dikin.	Me meyl û eleqeyeke rewa di têkiliya digel kirryarên xwe da û danîna têkiliyê digel wan li ser birêvebirina asayî ya bazirganiyê weke proje, xizmet û fatûreyan heye.
Teknolojiyên Şopandina Serhêl a Pêwîst	Em kûkî û GIF'ên zelal bi kar tînin. “Kûkî” zanyarîne hûr in ku malperek di dema dîtina wê ji aliyê bikarêneran va bo Hard Dîska komputer’ê dişîne. Clear GIF an jî GIF'ên Pak eşaret bi hin pîkselan dike ku dema destragihîştina bo malperekê ji aliyê browsera te va tên barkirin. Ev teknolojiyên şopandinê dibe ku hin zanyariyan li ser cûreya browserê, pergala operasyonê, adresa Protokola Înternetê (IP) ya te (hejmara ku jixweber di dema bikaranîna înternetê da ji komputerê ra tê terxankirin), navê domînê, çalakiya klîkê, malpera lêvegerder an jî mora dem/rojê ji bo serdaneran berhev bike.	Me berjewendiyeke rewa di îcadkirina bibandorbûna malpera xwe da heye.
Teknolojiyên Şopandinê yên Ne-Pêwîst	Dibe ku em teknolojiya şopandinê  li malpera xwe dayînin (weke kûkî an pîksel) ku analîzan berhev dike, şêwaza danûstandina te digel malpera me tomar dike yan rê dide me ku beşdarî reklama tevger-bingeh bibin. Ev teknolojî dibe ku hin zanyariyan li ser cûreya browserê, pergala operasyonê, adresa Protokola Înternetê (IP) ya te (hejmara ku jixweber di dema bikaranîna înternetê da ji komputerê ra tê terxankirin), navê domînê, çalakiya klîkê, malpera lêvegerder an jî mora dem/rojê ji bo serdaneran berhev bike. Em an jî aliyekî sêyemîn dibe ku di heyama demê da û li malperên cûrbicûr zanyariyan bi mebesta raberkirina reklaman li malpera xwe an malperên din berhev bikin.	Di babetên ku qanûn pêwîst dike da, em bikaranîna kûkiyên aliyê sêyem li gorî rezamendiyê dikin.
Zanyariyên Demografiyê	Em zanyariyên kesane weke temen an cihê te berhev dikin.	Me berjewendiyeke rewa di têgihîştina bikarênerên xwe û raberkirina xizmetên guncan da heye.
Daxwaznameyên Kar	Eger tu ji bo reklameke şixulînê daxwaz bidî yan bibî karmend, em zanyariyên pêwîst ji bo pêvajokirina daxwaznameya te yan hilanîna te wek karmendek, hûrgiliyên têkilîdanînê, perwerdehî û raboriya te ya şixulînê berhev dikin.	Me berjewendiyeke rewa di nirxandina kesan ji bo pozîsyona potensiyel di hêza xwe ya kar da heye. Di hinek zemîne û waran da, li gorî qanûnê jî pêwîstiya berhevkirina zanyariyan li ser karmend û daxwazkeran li ser me heye. Me her wiha berjewendiyeke rewa di bikaranîna zanyariyên te ji bo hebûna hêza mirovî ya kêrhatî û operasyona hêza kar heye.
Feedback/Piştgirî	Eger tu fîdbekekê li me vegerînî yan ji bo piştevaniyê digel me têkilî dayînî, em ê nav û adresa Emaila te û her naverokeke din ku ji bo me dişînî berhev bikin da ku bersiv bidin.	Me meyl û eleqeyeke rewa bo wergirtina fîdbek an mijarên te heye û wan bi cih tînin.
Amûrên Mobayl	Em hinek zanyariyan ji amûra mobayla te berhev dikin, weke zanyariyên naskirinê yên taybet ku dema serdana malpera me ji amûra te tên belavkirin.	Me meyl û eleqeyeke rewa bo naskirina serdanerên taybet û çavdêriya ser serdanên malpera xwe heye.
Tomarkirina Siparîşê	Dema tomarkirinê, em nav, adresa fatûreyê, adresa şandinê, adresa Emailê, hejmara telefonê û hejmara karta te ya peredanê berhev dikin.	Em zanyariyên te ji bo cihanîna girêbesta xwe ji bo raberkirina Xizmetên xwe bo te bi kar tînin.
Promosyona Şirîkê	Em wan zanyariyan berhev dikin ku tu wek beşeke reklameke hevpar digel kompaniyeke din raber dikî.	Me berjewendîyeke rewa di pêkanîna reklama xwe da heye.
Rapirsî	Dema ku tu beşdarî rapirsiyekê dibî, em zanyariyên ku tu bi rêya rapirsîyê raber dikî, berhev dikin. Eger rapirsî ji aliyê dabînkera xizmetan a aliyê ’ sêyem va hatibe raberkirin, Rêmeşa Razdariyê ya aliyê sêyem di warê berhevkirin, bikaranîn û aşkirakirina zanyariyên te tê sepandin.	Me meyl û meraqeke rewa ji bo têgihîştina nêrînên te û berhevkirina zanyariyên têkildarî sazûmana xwe heye.

 

4. Hilgirtina daneyan

Em zanyariyên te yên heta wê demê ku ji bo armancên navbirî di vê Rêmeşa Razdariyê da pêwîst e, di nav da ji bo dabînkirina her cûre pêdiviyên qanûnî, jimêryarî yan raporekê diparêzin, meger ku heyameke hilgirtinê ya dirêjtir hewce yan rêpêdayî be. ji bo tayînkirina heyama hilgirtina guncan ji bo zanyariyên kesane, qas, pênase û hestyarbûna zanyariyan, metirsiya gengaz a ziyana ji ber bikaranîna bêdestûr an aşkirakirina zanyariyan, armancên ku me ji bo wan zanyarî bi dest xistine û eva ku em çawa dikarin van armancan bi rêya alavên din û pêwîstiyên qanûnî yên dikarin cih bên bi dest bînin, berçav digirin.

5. Şêwaza me ya bikaranîna zanyariyên kesane

Ji bilî armanc û sûdwergirtinên ku li jor hatin şirovekirin, em zanyariyan bi şêwazên xwarê bi kar tînin:

• Ji bo naskirina te dema serdana malperên me.
• Ji bo raberkirina berhem û xizmetan an pêvajokirina vegeran.
• Ji bo çêtirkirina xizmetan û raberkirina berhemên me.
• Ji bo xwerûkirina pêvajoya peredanê.
• Ji bo pêkanîna analîzê.
• Ji bo danîna têkiliyê digel te, wek bersivdan an şopandina daxwaz, pirs, kêşe yan fîdbekên te.
• Ji bo şandina babetên marketîng û reklamê di nav da zanyariyên têkildarî berhem, xizmet, firotin yan promosyonê, yan şirîkên me yên bazirganiyê.
• Ji bo naskirin û parastina li hemberî çalakiyên xerabker, sextekarî yan neqanûnî, di nav da binpêkirina rêmeş û şert û mercan, bûyerên ewlehiyê û zirara li maf, heyîtî yan ewlehiya kompaniya me û bikarêner, karmend an kesên din.
• Ji bo jinavbirina kêşeyan, naskirin û tamîrkirina çewtiyên ku funksyona çaverêkirî ya malper û xizmetên me tûşî aloziyê tîne.
• Ji bo şopandina pêbendiyên xwe yên qanûnî yan çavdêeriyê, îcadkirin an sepandina mafên xwe û berevaniya li hemberî angaştên qanûnî.
• Ji bo armancên rêveberane yên hundirîn û her wiha ji bo rêveberiya pêwendiyên me.
• Ji bo armancên din ku dikarî wan bipejirînî (ji demê heta demê).

Gerçî ku beşên jorîn armanca me ya sereke ji berhevkirina zanyariyên te şirove dikin, di gellek şert û mercan da me zêdetirî armancekê heye. Wek mînak, eger kirrîna serhêl bikemilînî, dibe ku em zanyariyên te berhev bikin da ku girêbesta xwe digel te bi cih bînin, lê belê em her wiha zanyariyên te berhev dikin ji ber ku me berjewendiyên rewa di parastina zanyariyên te piştî tevavkirina danûstandinê hene da ku bikarin bilez û rehet bersiva her pirseke te li ser siparîşa xwe bidin. Di encamê da, berhevkirin û pêvajokirina zanyariyên te di warên cûrbicûr da li gorî rezamendiya te, hewcetiya me bo cihanîna girêbestê, sozên me li gorî qanûnê yan berjewendiyên em yên rewa di pêkanîna kar û pêşeya me da ye.

 

6. Şêwaza me ya parvekirina zanyariyên kesane

Ji bilî şert û mercên taybet ku li cihên din ev Rêmeşa Razdariyê ketiye ber behs û nîqaşê, dibe ku em zanyariyên kesane di van şert û mercan da aşkira bikin:

• Kompaniyên Girêdayî yan Pêreyî: Em dikarin hin zanyariyan digel kompaniyên girêdayî bi xwe (weke kompaniya dayîk, kompaniyên xwîşk, kompaniyên pêreyî, sermayeguzariya hevpar an kompaniyên din ên di bin kontrola hevpar da) bi parve bikin. Eger kompaniyeke din bibe xwediyê kompanî, kar û pêşe yan darayîyên me an dil hebe wan bikirre, em ê jî hin zanyariyan digel wê kompaniyê, di nav da li qonaxa gotûbêjê parve bikin.
• Babetên din ên aşkirakirina bêyî rezamendiyê: Em dikarin wek bersiva bo daxwaznameyên hazirkirinê, hikm yan destûrên dadgehê, an têkildarî her pêvajoya qanûnî yan ji bo şopandina qanûnên têkildar hin zanyariyan aşkira bikin. Her wiha em dikarin zanyariyên te ji bo îcadkirin an sepandina mafên xwe, berevanî li hember angaştên qanûnî, pêşîlêgirtin an tevgeriyana di warê çalakiyên neqanûnî yên gengaz, sextekariya gumanbar, ewlehiya kes an darayîyê yan binpêkirina rêmeş û siyasetên xwe yan ji bo sazgariya digel daxwaza te ya şandina berheman bo yan raberkirina xizmetan ji aliyê navciyekî aliyê sêyem va parve bikin.
• Promosyona Şirîkê: Em dikarin reklamekê digel şirîkên aliyê sêyem raber bikin. Eger te dil hebe reklamekê bînî ku ji aliyê şirîkeke aliyê sêyem va piştevaniya darayî tê kirin, hin zanyariyan raber dikî, dê digel me û wan were parvekirin. Sûdwergirtina wan ji zanyariyên te bi rêya vê rêmeşa razdariyê va nayê kontrolkirin.
• Dabînkerên Xizmetan: Em dikarin zanyariyên te digel dabînkerên xizmetan parve bikin. Di nav de, dabînkerên xizmetan yarmetiyê didin me ku em malpera xwe bi rê va bibin û hin xizmetan ji bo funksyona bibandor a bazirganiya xwe raber bikin, piştevaniya teknîkî raber bikin, peredanan pêvajo bikin û di pêkanîna siparîşan da alîkar bin.
• Babetên din ên aşkirakirinê bi rezamendiya te: Dema ku me rezamendî yan destûra te hebe, em dikarin zanyariyên te bidin ber destê aliyên sêyem.

7. Mafên te

Girêdayî bi cih û mekanê te û li gor qanûnên dikarin bi cih bên, tu dikarî xwedîyê van mafan bî:

• Destragihîştina bo daneyên te: Mafê daxwaza ji me ji bo aşkirakirina daneyên kesane ku em derbarê te berhev dikin, bi kar tînin an aşkira dikin û zanyariyên têkildarî şêwazên daneyên me. Di hin şert û mercên sînordar da, dibe ku te daxwaza destragihîştina bo daneyên xwe yên kesane di çarçoveke guhêzbar a ku bi makîneyê tê xwendin jî hebe.
• Piştarstkirin û daxwaza serrastkirinê: Mafê daxwaza serrastkirina zanyariyên kesane yên nedurist ku em derbarê te hildigirin. Em ji bo birojkirin û serrastkirina zanyariyên te yên kesane pişta xwe dikutin te. Malpera me derfet dide te ku profîla hesabê xwe biguherînî yan jêbibî. Eger malpera me rê nade te ku zanyarîne taybet bi roj an serrast bikî, dikarî bo adresa ku li xwarê hatiye şirovekirin digel me têkilî dayînî da ku daxwaza serrastkirina zanyariyên xwe bikî. Haya te jê hebe ku li gor qanûnê dibe ku em zanyariyên dîrokî di faylên xwe yên piştevan anku backup hilgirin.
• Zanyariyên te yên kesane tên jêbirin an rakirin: Mafê daxwaza jêbirina daneyên kesane ku me li ser te berhev kirine.
• Di her demekê da rezamendiya xwe paş vekişîne: Mafê paşvekişandina rezamendiyê di babetên ku te pêştir bo pêvajokirina zanyariyên xwe yên kesane daye.
• Nerazîtî li hember pêvajokirina daneyên te yên kesane: Mafê nerazîtiyê li hemberî pêvajokirina zanyariyên te yên kesane di rewşekê da ku pêvajokirin li gor bingeha qanûnî ya derveyî rezamendiyê pêk were.
• Şopandina serhêl: Em vê demê sîgnala “Neşopîne” nas nakin.

Ji kerema xwe haydar be, hemî mafên ku li jor hatin şirovekirin têkûz nînin û di hemî şert û mercan da nayên sepandin. Di hin babetan da, dibe ku em daxwaza te sînordar an red bikin, ji ber ku qanûn rê dide yan me neçarî pêkanîna vî karî dike, yan jî eger em nekarin pênaseya te bi têrî piştrast bikin. Em ê li dijî kesên ku mafên xwe yên razdariyê di bin qanûnên bi şiyana cihanînê da bi kar tînin, cihêkarîyê pêk neyînin.

Ji kerema xwe vê beşê bixwîne da ku li ser mafên taybet pirtir bizanî. Ji bo şandina daxwazekê bona bikaranîna her yek ji mafên ku li jor hatine şirovekirin yan jî daxwaza venihêrînê li ser biryara ku têkildarî daxwaza mafên mijara daneyan ji aliyê me va hatiye dayîn, ji kerema xwe bi bikaranîna hûrgiliyên têkilîdanînê yên xwarê yan bi rêya rûpela Têkillî digel Me tev me peywendî çê bike.

Bila haya te hebe ku li gorî qanûnê, em ê ji te bixwazin ku pênaseya xwe biselimînî. Girêdayî bi daxwaza te, em ê zanyarîne weke navê te, dawîn berhema ku te ji me kirriye yan roja herî dawî ya kirrîna te ji me, daxwaz bikin. Her wiha dibe ku em ji te bixwazin xwebêjnameyeke wajokirî ji bo erêkirina pênaseya xwe raber bikî. Piştî daxwazê, em ê hewldanên beraqil ji bo raberkirin, serrastkirin an jêbirina zanyariyên te yên kesane di faylên xwe da bi kar bînin.

Di hin rewşan da, tu dikarî nûnerekî rêpêdayî ji bo şandina hin daxwaznameyan ji bo sepandina hin mafên razdariyê ji aliyê xwe va tayîn bikî. Eger tu nûnerekî rêpêdayî yî ku ji aliyê kesekî va daxwaznameyekê dişînî, divê kopiyek ji belgeyeke wajokirî pê ve bikî ku nîşan dide tu dikarî ji aliyê kesekî’ din va tev bigerî.

Ez çawa dikarim aboneyên Emailên marketîngê betal bikim?

Tu dikarî bi bikaranîna funksyona betalkirina aboneyê li Eyarkirinên Profîlê dev ji Emailên têkildarî marketîng û bazardîtinê berdî. Ji bo birêvebirina eyarkirina xwe ya bijartî têkeve nav hesabê xwe, piştra here eyarkirina Profîla xwe. “Ez' dixwazim Emailên reklamê wergirim” ji bo hilgirtina guherînan çalak an neçalak bike. Adresa Emaila te di dema herî zû da dê ji têkiliyên marketînga emailî were vekişandin.

Eger pirseke te li ser çawaniya vekişîna ji têkiliyên marketînga Airalo'yê heye, ji kerema xwe bi rêya [email protected] digel me têkillî dayîne.

Ez çawa hesabê xwe jêbibim?

Bi bikaranîna funksyona “Jêbirina Hesab” ji navEyarkirinên Profîlê dikarî hessabê xwe jêbibî. Ji kerema xwe têkeve nav hesabê xwe, piştra here eyarkirina Profîla xwe. Kilîkî ser bişkoka “Jêbirina Hesab” bike û biryara xwe erê bike. Em ê daxwaza te bêyî derengketinê yan di heyama mehekê piştî wergirtina daxwazê da, di rewşekê da ku pêdiviyeke taybet nehatibe pêvekirin, pêvajo bikin.

Ji kerema xwe haydar be ku di her rewşekê da, dibe ku pêwîst be ku beriyad domandina daxwaz te, em pênase û têkiliya te digel me erê bikin.

Kengî Airalo piştî wergirtina daxwaza jêbirin an nerazîtiya li pêvajokirinê, pêvajokirina daneyan didomîne?

Di şert û mercine taybet da, dibe ku li gorî qanûnê pêwîstiya parastin û pêvajokirina zanyariyên te yên kesane heta piştî daxwaza jêbirin an nerazîtiya li hemberî pêvajokirinê li ser Airalo'yê hebe. Wek nimûne, Airalo erkdar e zanyarîne kesane yên taybet ji bo berawirdkirina sozên qanûnî yên di bin navê "Kirryarê Xwe Nas Bike (KYC)" û hûrgiliyên danûstandinên Peredanê biparêze.

9. Veguhestina daneyan & û Veguhestina Daneyan a Navneteweyî

Ev xizmet ayîdî Airalo'yê ye û dikare li Ewropa û derveyî wê bikeve ber dest. Di encamê da, zanyariyên te dikarin li welatekî din werine pêvajokirin, cihê ku qanûnên parastina razdariyê dibe ku dijwartir ji qanûnên welatê te bin. Tevî vêya, heke pêkan be, em hin pêngavan ji bo tevgeriyana digel zanyariyên kesane bi bikaranîna heman prensîbên parastina razdariyê bi cih tînin ku li gorî qanûna welatê ku me bo cara yekem zanyariyên te li wir wergirtine, tên cîbecîkirin. Bi şandina zanyariyên xwe yên kesane bo me, tu rezamendiya xwe digel veguhestin, hilgirtin û pêvajokirina zanyariyên xwe li welatekî ji bilî welatê cihê mayîna xwe di nav da, lê ne sînordar bi Amerîkyê, radigihînî. Eger tu bi dû zanyarîne zêdetir li ser hewldanên me ji bo dasepandina prensîbên parastina razdariyê yên cihanînî di warekî taybet ê dadweriyê ji bo daneyan dema ku bo warekî din ên dadweriyê tên veguhestin î, dikarî bi bikaranîna hûrgiliyên têkilîdanînê yên li xwarê digel me têkilî dayînî.

9. Ewlehî

Em standardên giştî yên pejirandî di pêşesaziyê da bi kar tînin da ku zanyariyên te yên kesane biparêzin. Ti şêwazek ji bo veguhestina bi rêya înternetê, teknolojiya telefona mobayl yan şêwaza hilgirtina elektronî tam ewleh nîne. Loma, tevî ku em hewl didin tevdîrên fîzîkî, elektronî û pêvajoyî ji bo parastina nihênîbûna zanyariyên ku bi awayê serhêl berhev dikin bi kar bînin, lê em nikarin ewlehiya wan a têkûz misoger bikin.

Bikarênerên Airalo'yê’ her wiha berpirsyar parastina têperpeyv anku şîfre û hûrgiliyên xwe yên bikarêneriyê ne. Eger te hincet û hegerek heye ku difikirî danûstandina te bi me ra êdî ewleh nîne (wek mînak, eger hest dikî ewlehiya her hesabê ku dikarî digel me vekî, ketiye ber metirsiyê), ji kerema xwe bi têkilîdanîna digel me li beşa piştevaniyê li adresa [email protected] bilez pirsgirêkê ragihîne me.

10. Guherînên li vê Rêmeşê

Em mafê guherîna şert û mercên Rêmeşa Razdariyê di her demekê da ji bo xwe parastî dizanin. Eger guherînên bingehîn di vê daxuyaniyê yan di şêwaza sûdwergirtina me ji zanyariyên te yên kesane da hebin, em ê bi weşandina berbiçav a van cûre guherînan li vir an li rûpela xwe ya sereke yan bi şandina Emailê te haydar bikin. Em te teşwîq dikin her dema ku serdana malper an sepaneke me dikî, vê rêmeş û siyasetê venihêrî. Rêmeşa me ya razdariyê pêk hatiye ji tarîxeke “bibandor” û “herî dawî birojkirî”. Tarîxa bibandor û pêwîstdariya cihanînê amaje bi rojekê dike ku versiyona niha kete meriyetê. Tarîxa herî dawî ya birojkirinê amaje bi rojekê dike ku versiyona niha cara herî dawî bi awayê bingehîn guheriye.

11. Zarok

Xizmetên me ji bo zarokên bin 13 salî nehatine berçavgirtin û em bi zanebûn zanyariyên kesane yên kesên bin temenê 16 salî bêyî rezamendiya dêûbavan berhev nakin. Zarokên bin 13 salî nabe ku zanyariyên xwe yên kesane radestî me bikin.

12. Hûrgiliyên têkilîdanînê

Eger te pirs, nêrîn, daxwaza venihêrînê yan giliyek li ser şêwazên parastina razdariyê yên me heye, yan eger ji ber astengdarbûnê hewcetiya te bi destragihîştina bo vê rêmeşa razdariyê di formeteke dewsgir hehye, ji kerema we di adresa xwarê da digel me têkilî dayîne. Em ê hewl bidin bersiva daxwazên te bidin û zanyarîne zêdetir têkildarî razdarî û qada kesane radestî te bikin.

• [email protected]
• Hejmara telefona belaş a Amerîkayê: +1 (888) 870-2848

Eger tu ji bersiva me razî nînî û li Yekîtiya Ewropayê yan Brîtanyayê yî, te ev maf heye ku li cem rayedara navçeya xwe gilî bikî.

13. Zanyariyên zêdetir ji bo niştecihên Kalîforniyayê

Qanûna Kalîforniyayê pêwîstiya aşkirakirina zanyariyên zêdetir têkildarî şêwazên parastina razdariya xwe li ser me disepîne. Eger tu niştecihê Kalîforniyayê bî, aşkirakirina razdariyê ya xwarê jî ji bilî beşa mayî yta Rêmeşa Razdariyê ji bo te dihê sepandin.

• California Shine the Light: Eger tu dixwaza zanyariyên zêdetir li ser kategoriyên zanyariyên kesane (eger hebin) ku em digel aliyên sêyem an kompaniyên girêdayî parve dikin da ku ewna ji bo marketînga rasterast bi kar bînin dikî, ji kerema xwe daxwazeke nivîskî bi bikaranîna hûrgiliyên heyî li beşa hûrgiliyên têkiliyê li jor ji bo me bişîne.
• Daxuyaniya Berhevkirinê: Xişteya xwarê destebendiya zanyariyên kesane ku em berhev dikin, ji bo armanceke bazirganiyê aşkira dikin “difiroşin” an “parve dikin” (hema wisa ku ev bêje bi rêya Qanûna Kalîforniyayêl va hatine nasandin) diwesifîne. Tika ye haydar be, ji bilî wergirên ku li jêr hatine diyarkirin, dibe ku her yek ji kategoriyên zanyariyên kesane ku em digel saziyên dewletê berhev dikin, aşkira bikin, hema wisa ku mumkin e ji bo şopandina qanûnê yan pêşîgirtina, li çalakiya neqanûnî pêwîst be. Em zanyriyên te yên kesane di berdêla pere da “nafiroşin”. Hema wisa ku li cihên din di Rêmeşa Razdariyê anku Siyaseta Parastina Qada Kesane da hat behskirin, em kûkî û teknolojiyên şopandinê yên weke wan ji bo armancên reklama biarmanc bi kar tînin. Ji bo zanyariyên zêdetir, ji kerema xwe serdana beşa kûkîyan û teknolojiyên din di Rêmeşa Razdariyê da bike. Ji bo dîtina hûrgiliyan li ser çawaniya sûdwergirtina ji zanyariyên kesane, tika ye serdana beşa Zanyariyên ku em berhev dikin a Rêmeşa Razdariyê bike.

 

Desteya Zanyariyên Kesane	Desteya Wergiran
	Aşkirakirin ji bo Armanceke Bazirganî	Parvekirin ji bo Reklama Tevgeriyanê ya Navbera-Zemîneyan
Nasker – ev dikare pêkhatî ji navê rastîn, nasnav, navnîşana postê, naskera kesane ya taybet, naskera serhêl, adresa Emailê, navê hesab an naskerên din ên wek wan be.	Kompaniyên Girêdayî yan Pêreyî Şirîkên Bazirganî Dabînkerên analîza datayan Dabînkerên xizmetên înternetê Şirîkên marketînga hevpar   Pergalên operasyonê û Platform Dabînkerên din ên Xizmetan Pêvajokerên Peredanê û enstîtûyên darayî  Sazûmanên xizmetên profesyonel, dibe ku pêkhatî ji jimêryar û kompaniyên mafzan be Torên Civakî	Torên reklamê
Naskera derxistî ji aliyê dewletê va – ev dikare pêkhatî ji hejmara dabînkeriya civakî, hejmara bawernameya’ ajovaniyê yan hejmara naskirinê ya eyaletî û hejmara pasportê be.	Operatorên Networkê (cihê ku eKYC hewce ye) Sazûmanên xizmetên profesyonel, dibe ku pêkhatî ji jimêryar û kompaniyên mafzan be
Zanyariyên Darayî – ev dikare pêkhatî ji hejmara hesabê bankê, hejmara karta krediyê, hejmara karta debît û hûrgiliyên din ên darayî be.	Pergalên operasyonê û Platform Pêvajokerên Peredanê û enstîtûyên darayî  Sazûmanên xizmetên profesyonel, dibe ku pêkhatî ji jimêryar û kompaniyên mafzan be
Taybetmendiyên destebendiya parastî - ev dikare pêkhatî ji temen, zayend, nijad, etnîk, astengdariya bedenî yan zihnî û hwd be.	Operatorên Networkê (cihê ku eKYC hewce ye) Sazûmanên xizmetên profesyonel, dibe ku pêkhatî ji jimêryar û kompaniyên mafzan be
Zanyariyên Bazirganî – ev dikare pêkhatî ji zanyariyên li ser berhem an xizmetên kirrî, bidesthatî yan berçavgirtî yan raborî yan meraqên kirrînê yan mesrefkirinê yên din be.	Kompaniyên Girêdayî yan Pêreyî Şirîkên Bazirganî Dabînkerên analîza datayan Dabînkerên xizmetên înternetê Şirîkên marketînga hevpar   Pergalên operasyonê û Platform Dabînkerên din ên Xizmetan Pêvajokerên Peredanê û enstîtûyên darayî  Sazûmanên xizmetên profesyonel, dibe ku pêkhatî ji hesabgir û kompaniyên mafzan be Torên Civakî
Înternet an zanyariyên din ên çalakiya tora elektronî – ev dikare pêkhatî ji raboriya browsîngê, raboriya lêgerînê û zanyariyên têkildarî danûstandina kesekî digel malpereke înternetê, sepan an reklamê’ be.	Dabînkerên analîza datayan	Torên reklamê
Zanyariyên profesyonel yan têkildarî şixulînê	Kompaniyên Girêdayî yan Pêreyî Şirîkên Bazirganî Pergalên operasyonê û Platform Dabînkerên din ên Xizmetan Sazûmanên xizmetên profesyonel, dibe ku pêkhatî ji jimêryar û kompaniyên mafzan be
Zanyariyên perwerdehiya ne-hikûmî (hema wisa ku di Qanûna Mafên Perwerdehiya Malbatê û Razdariyê da hatiye nasandin)	Kompaniyên Girêdayî yan Pêreyî Şirîkên Bazirganî Pergalên operasyonê û Platform Dabînkerên din ên Xizmetan Sazûmanên xizmetên profesyonel, dibe ku pêkhatî ji jimêryar û kompaniyên mafzan be
Desteyên zêdebarî yên zanyariyên kesane ku li Qanûna Raboriyên Kirryarên Kalîforniyayê da (Cal da hatiye şirovekirin. Civ. Koda § 1798.80(e)) – ev dikare pêkhatî ji wajo, taybetmendiyên fîzîkî yan şirove, hejmara sîgorteyê be.	Operatorên Torê (cihê ku eKYC hewce ye) Sazûmanên xizmetên profesyonel, dibe ku pêkhatî ji jimêryar û kompaniyên mafzan be

 

• Aşkirakirina Zanyariyên Hestyar a Kalîforniyayê. Em desteyên zanyariyên hestyar ên xwarê berhev dikin (hema wisa ku li gorî qanûna Kalîforniyayê hatiye şirovekirin): zanyariyên biyometrî, cihê cografyayî, hejmara dabînkeriya civakî yan zanyariyên din ên derxistî ji aliyê dewletê va, têketina nav hesab, zanyariyên peredanê. Ev zanyarî bi mebesta pêvajokirina danûstandinên pere, şopandina qanûnan, rêvebirina kar û pêşeya me yan raberkirina xizmetan bo te dihêne berhevkirin. Haya te jê hebe ku em van zanyariyan ji bo armancên ku di Beşa 1798.121 ji Qanûna Mafên Razdariyê ya Kalîforniyayê da nehatiye diyarkirin, bi kar nayînin.

---

2024 AIRGSM PTE. LTD.

Gişt maf parastî ne