Користењето на мобилниот интернет во целост зависи од поставките на уредот и од навиките за користење.
Ако забележите дека мобилниот интернет на вашата eSIM се троши пребрзо, овој водич може да ви помогне да го оптимизирате неговото користење.
Како да го проверите користењето на мобилниот интернет
Може да проверите кои апликации користат најмногу мобилен интернет на вашиот уред – ова обично се прави во поставките на уредот.
Како да го проверите и да го ограничите користењето на мобилниот интернет на уредите со iOS
Може да го проверите користењето на мобилниот интернет на уредите со iOS – може и да го ислучите користењето на мобилниот интернет за конкретни апликации од вашите поставки.
- Одете во Поставки > Мобилна мрежа.
- Лизгајте до делот со етикета „Мобилен интернет за [вашата активна eSIM]“.
- Проверете кои апликации користат многу мобилен интернет.
- Исклучете го мобилниот интернет за апликациите, ако е потребно.
Како да го проверите користењето на мобилниот интернет на уредите Samsung
Може да го проверите користењето на мобилниот интернет на уредите Samsung од вашите поставки.
- Одете во Поставки > Поврзувања > Користење мобилен интернет.
- Лизгајте до активната eSIM и допрете Користење мобилен интернет
Како да го проверите користењето на мобилниот интернет на другите уреди со Android
Може да го проверите користењето на мобилниот интернет на уредите со Android од вашите поставки.
- Одете во ПОСТАВКИ и допрете МРЕЖА И ИНТЕРНЕТ.
- Допрете SIM-картички и изберете ја вашата активна eSIM.
- Лизгајте надолу додека не ја видите опцијата КОРИСТЕЊЕ МОБИЛЕН ИНТЕРНЕТ ОД АПЛИКАЦИИТЕ и допрете ја.
Чекорите може да се разликуваат во зависност од моделот на уредот.
Како да го намалите користењето на мобилниот интернет
Следните практики можат да ви помогнат да заштедите мобилен интернет и да го продолжите траењето на вашата eSIM.
- Исклучете го мобилниот интернет кога не го користите вашиот уред. Вклучете го мобилниот интернет само кога сакате да бидете онлајн. Исклучувањето другпат спречува непотребно користење мобилен интернет во заднина.
- Избегнувајте споделување интернет преку точка на пристап. Споделувањето мобилен интернет преку точка на пристап го троши вашиот план за мобилен интернет. Ако сте го споделиле вашето поврзување, тоа може да биде причината за големата потрошувачка на мобилен интернет.
- Ограничете ги активностите што трошат многу мобилен интернет. Пренесувањето видеа, емитувањето презентации или печатењето документи преку мобилен интернет може брзо да ви го потроши планот. Изберете Wi-Fi мрежи за овие активности секогаш кога е можно.
- Користете прелистувач со компресија на податоци. Прелистувачите како Google Chrome и Opera Mini може да ја компресираат содржината пред да ја испратат на вашиот телефон, намалувајќи ја потрошувачката на мобилен интернет до 50 % и 90 %, соодветно.
- Преземајте содржина за офлајн користење. За апликациите како Google Maps, Netflix или YouTube, користете ја опцијата за преземање карти, филмови или музика додека сте на Wi-Fi мрежа. Вака, може да пристапувате до нив офлајн без да го користите мобилниот интернет.
- Исклучете ја синхронизацијата на сметките. Автоматската синхронизација на сметките за апликациите како Google или Facebook може непотребно да троши мобилен интернет. Исклучете ја оваа функција за апликациите што не треба постојано да се синхронизираат.
Како да го намалите користењето на мобилниот интернет на уредите со iOS
- Исклучете ја Wi-Fi Assist. Оваа функција автоматски се префрла на мобилен интернет кога вашата Wi-Fi врска е слаба. Иако е практична, може да доведе до неочекувано користење на мобилниот интернет. За да ја исклучите:
- Одете во Поставки > Мобилна мрежа (или Мобилен интернет).
- Лизгајте надолу и исклучете ја Wi-Fi Assist.
- Исклучете ги автоматските ажурирања на апликациите. Ажурирањата на апликациите и системот може да потрошат голема количина мобилен интернет. Конфигурирајте го вашиот уред да презема ажурирања само преку Wi-Fi.
- Одете во Поставки > Апликации > App Store и исклучете ја опцијата Мобилен интернет за „Автоматски преземања“.
- Приспособете ги поставките на iCloud Drive. Ако вашиот iCloud Drive е поставен да користи мобилен интернет, може да троши многу мобилен интернет за синхронизација на датотеките. За да го исклучите ова:
- Одете во Поставки > Мобилна мрежа (или Мобилен интернет).
- Лизгајте надолу и исклучете ја опцијата iCloud Drive.
- Исклучете го мобилниот интернет за апликациите за синхронизација на фотографии. Апликациите како iCloud Photos или Google Photos може автоматски да ги синхронизираат вашите фотографии и видеа, трошејќи многу мобилен интернет. За да го исклучите користењето на мобилниот интернет за овие апликации:
- Одете во Поставки > Апликации.
- Допрете ја иконата на посакуваната апликација (на пр., iCloud или Photos).
- Исклучете ја опцијата Мобилен интернет за таа апликација.
Како да го намалите користењето на мобилниот интернет на уредите со Android
- Исклучете го користењето мобилен интернет во заднина. Многу апликации продолжуваат да користат мобилен интернет во заднина за да испраќаат известувања, да преземаат ажурирања или да синхронизираат информации. Ако го оневозможите ова, може да заштедите многу мобилен интернет.
- Исклучете ги автоматските ажурирања на апликациите. Исто како и кај iOS, автоматските ажурирања на апликациите трошат многу мобилни интернет.
- Отворете ја Google Play Store.
- Одете во Поставки > Претпочитани поставки за мрежа > Aвтоматско ажурирање на апликациите.
- Изберете Само преку Wi-Fi.
- Поставете ограничување за користењето мобилен интернет. Android ви овозможува да поставите ограничување за мобилен интернет. Откако вашето користење ќе го достигне ова ограничување, мобилниот интернет ќе се исклучи автоматски, со што ќе се спречат понатамошни трошоци.
- Во Поставки > Користење мобилен интернет, може да конфигурирате предупредување за користење мобилен интернет и ограничување за мобилен интернет.
Се надеваме дека овие совети ќе ви помогнат подобро да управувате со користењето на мобилниот интернет. Ако ви треба уште помош, нашиот тим за поддршка е тука за вас. Достапни сме деноноќно и со задоволство ќе ви помогнеме.
