ზოგადი პირობები

ზოგადი პირობები

Airalo-ს მისიაა, უზრუნველყოს გლობალური ინტერნეტკავშირი ყველა მოგზაურისთვის. ჩვენს პლატფორმასა და სერვისებს გთავაზობთ იურიდიული პირის, AirGSM Pte Ltd-ის სახელით, რომელიც რეგისტრირებულია სინგაპურში მისამართზე: 6 Raffles Blvd, #03-308 Marina Square, Singapore 039594. ჩვენ ვმოქმედებთ, როგორც კავშირის სერვისების აგრეგატორი და სავაჭრო პლატფორმა. სხვა სიტყვებით რომ ვთქვათ: ჩვენ ვპოულობთ ინტერნეტკავშირის საუკეთესო პროვაიდერებს თითოეული ქვეყნისთვის ან რეგიონისთვის და მათ სერვისებს ხელმისაწვდომს ვხდით ჩვენი მომხმარებლებისთვის Airalo-ს სავაჭრო პლატფორმის საშუალებით. სწორედ ასე შეგვიძლია, შემოგთავაზოთ eSIM-ები, რომ მსოფლიოს 200-ზე მეტ ქვეყანაში იყოთ კავშირზე.

სანამ გამოიყენებთ ჩვენს სერვისებს (eSIM-ებსა და მათთან დაკავშირებულ მხარდაჭერის სერვისებს, რომლებსაც ჩვენ გთავაზობთ) ან პლატფორმას (ჩვენს ვებსაიტს, Airalo-ს მიერ მართულ და სოციალური მედიის პლატფორმებზე განთავსებულ გვერდებსა და ჩვენს აპლიკაციას), გთხოვთ, წაიკითხოთ თქვენი გამოყენებისთვის რელევანტური პირობები და მოქმედი წესები. მათ შორისაა:

• ეს „ზოგადი პირობები“ ყოველთვის იმოქმედებს. 
• „ჩვენი სერვისების გამოყენების პირობები“ იმოქმედებს, თუ თქვენ ხართ ჩვენი სერვისების მომხმარებელი; 
• თუ თქვენ ხართ ჩვენი სერვისების მომხმარებელი, მაგრამ მათზე წვდომა მოგანიჭათ მესამე მხარემ, როგორიცაა თქვენი დამსაქმებელი ან Airalo-ს პარტნიორი, მაშინ „ჩვენი სერვისების გამოყენების პირობები“ კვლავ იმოქმედებს, მაგრამ უნდა წაიკითხოთ ამ მესამე მხარესთან დადებულ თქვენს შეთანხმებასთან ერთად. შესაძლოა, არ გქონდეთ წვდომა ჩვენი სერვისების გარკვეულ ელემენტებზე, როგორიცაა მომხმარებელთა მხარდაჭერა, და თქვენზე გავრცელდება განსხვავებული ფასები და გადახდის/თანხის დაბრუნების პროცესები. ჩვენ ვერ ავიღებთ პასუხისმგებლობას ნებისმიერი მესამე მხარის ქმედებებზე ან მასთან დადებულ თქვენს შეთანხმებაზე; და
• ჩვენი კონფიდენციალურობის დებულება და ქუქი-ჩანაწერების გამოყენების დებულება გავრცელდება ყველა იმ შემთხვევაში, როდესაც ჩვენ ვაგროვებთ თქვენს პერსონალურ ინფორმაციას. ჩვენი მისაღები გამოყენების დებულება და თანხის დაბრუნების დებულება გავრცელდება ყველა იმ შემთხვევაში, როდესაც თქვენ იყენებთ ჩვენს სერვისებს.  

(ესენი ერთობლივად მოიხსენიება, როგორც ჩვენი „პირობები“)

ჩვენი სერვისებისა და პლატფორმის გამოყენება დამოკიდებულია ჩვენს პირობებზე თქვენს დათანხმებაზე. ასე რომ, თუ არ ეთანხმებით ან არ შეგიძლიათ დაიცვათ ეს პირობები, არ უნდა შეხვიდეთ ან გამოიყენოთ ჩვენი სერვისები ან პლატფორმა. თქვენ ეთანხმებით ამ პირობებს ჩვენი პლატფორმის ან სერვისების გამოყენებით, ან ნებისმიერი კონტენტის დათვალიერებით ან მასზე დაწკაპუნებით, რეგისტრაციით ან ჩვენი აპლიკაციის გამოყენებით.

დროდადრო ჩვენ შეიძლება განვაახლოთ ჩვენი პირობები. ჩვენ ყველანაირად ვეცდებით, შეგატყობინოთ, თუ ცვლილებები არსებითი იქნება. ნებისმიერი ცვლილება ძალაში შევა გამოქვეყნების თარიღიდან, ასე რომ, თუ აღარ გსურთ ჩვენს პირობებზე დათანხმება, განახლებული პირობების შემდეგ უნდა შეწყვიტოთ ჩვენი სერვისების ან პლატფორმის გამოყენება.

მესამე მხარეები. იმ ზომით, რა ზომითაც ჩვენი სერვისები ან პლატფორმა შეიცავს ბმულებს მესამე მხარის ვებსაიტზე ან სოციალური მედიის პლატფორმაზე (მაგალითად, ჩვენი გადახდის სერვისების პროვაიდერები, Facebook ან Instagram) ან განთავსებულია მათზე, და არსებობს ამ ვებსაიტთან ან სოციალური მედიის პლატფორმასთან დაკავშირებული გამოყენების ცალკეული პირობები, თქვენ თანახმა ხართ, დაიცვათ ისინი ამ პირობებთან ერთად. 

ინფორმაციის გაზიარება Airalo-სთან. თქვენი კონფიდენციალურობა ჩვენთვის მნიშვნელოვანია. პერსონალური მონაცემები, რომლებსაც ჩვენ ვაგროვებთ თქვენ შესახებ ჩვენი სერვისების ან პლატფორმის გამოყენებისას, დამუშავდება ჩვენი კონფიდენციალურობის დებულებისა და ქუქი-ჩანაწერების გამოყენების დებულების შესაბამისად. 

ინტელექტუალური საკუთრების უფლებები. ყველა ინტელექტუალური საკუთრების უფლება ჩვენს პლატფორმასა და სერვისებში ეკუთვნის Airalo-ს ან ლიცენზირებულია მის მიერ. ეს მოიცავს საავტორო უფლებებს (მათ შორის, ჩვენს კომპიუტერულ პროგრამულ უზრუნველყოფაში), სავაჭრო ნიშნებს, ნოუ-ჰაუს, სავაჭრო საიდუმლოებას და ჩვენი პლატფორმის დიზაინს, კომპილაციასა და იერსახეს (ერთობლივად, „ინტელექტუალური საკუთრების უფლებები“). ჩვენი პლატფორმისა და სერვისების გამოყენებისას თანახმა ხართ, გამოიყენოთ ისინი მხოლოდ მათი დანიშნულებისამებრ და ამ პირობების შესაბამისად. ჩვენთვის ძალიან მნიშვნელოვანია თქვენი გამოხმაურება ჩვენს სერვისებსა და პლატფორმაზე. როდესაც თქვენ გვაწვდით გამოხმაურებას, ჩვენ შეგვიძლია მისი ინტეგრირება ჩვენს სერვისებში ან პლატფორმაზე და თქვენ ადასტურებთ, რომ ასეთ გამოხმაურებასთან დაკავშირებით არ წარმოიშობა ინტელექტუალური საკუთრების უფლება და თქვენ არ გეკუთვნით კომპენსაცია. 

პასუხისმგებლობის უარყოფა. გარდა კანონით შეზღუდული შემთხვევებისა, ჩვენ არავითარ შემთხვევაში არ ვიქნებით პასუხისმგებელი თქვენ წინაშე რაიმე არაპირდაპირი, თანმდევი, სამაგალითო, შემთხვევითი ან სადამსჯელო ზიანისთვის, მათ შორის, დაკარგული მოგებისთვის, მაშინაც კი, თუ ჩვენ გვაცნობეს ასეთი ზიანის შესაძლებლობის შესახებ. იმ ზომით, რა ზომითაც ჩვენ ვერ დავიცავთ ამ პირობებს, ჩვენ პასუხისმგებელი ვიქნებით თქვენს მოსალოდნელ დანაკარგსა და ზიანზე, და როგორც ჩვენი, ისე ჩვენი აფილირებული პირების მთლიანი ერთობლივი პასუხისმგებლობა თქვენ წინაშე ნებისმიერ შემთხვევაში შემოიფარგლება 100,00 აშშ დოლარის (ასი აშშ დოლარი) საერთო ოდენობით.
ჩვენი სერვისები და პლატფორმა მოწოდებულია პრინციპით „როგორც არის“ და „როგორც ხელმისაწვდომია“. კერძოდ, ჩვენ არ ვიძლევით გარანტიას, რომ ისინი ხელმისაწვდომი იქნება მუდმივად, არც ძირითადი კავშირებისა და ქსელების ხარისხზე. კანონით ნებადართულ ფარგლებში, ჩვენ გამოვრიცხავთ ყველა ნაგულისხმევ პირობას, გარანტიას, დასტურს ან სხვა პირობებს, რომლებიც შეიძლება გავრცელდეს ჩვენი სერვისებისა და ვებსაიტის უზრუნველყოფაზე. კანონით ნებადართულ ფარგლებში, თქვენ აგვინაზღაურებთ ჩვენ და ჩვენს დირექტორებს, თანამდებობის პირებს, თანამშრომლებსა და კონტრაქტორებს ნებისმიერი მესამე მხარის სამართლებრივი წარმოებისთვის (მათ შორის, სამთავრობო ორგანოების ქმედებებისთვის), რომელიც წარმოიშობა ან დაკავშირებულია ჩვენი სერვისების თქვენ მიერ უკანონო გამოყენებასთან ან ამ პირობების დარღვევასთან.

მარეგულირებელი კანონი და სასამართლოები. მიუხედავად იმ ქვეყნისა, საიდანაც თქვენ იღებთ წვდომას ჩვენს სერვისებზე ან პლატფორმაზე, ეს პირობები და ნებისმიერი დავა ან პრეტენზია, რომელიც წარმოიშობა მათგან ან მათთან დაკავშირებით, ან მათ საგანთან დაკავშირებით, რეგულირდება და განიმარტება ინგლისისა და უელსის კანონმდებლობის შესაბამისად, და ინგლისისა და უელსის სასამართლოებს ექნებათ ექსკლუზიური იურისდიქცია. 

კოლექტიურ სარჩელზე უარის თქმა. თქვენ თანახმა ხართ, რომ უარს ამბობთ უფლებაზე, მონაწილეობა მიიღოთ როგორც მოსარჩელემ, კოლექტიური სარჩელის წარმოებაში, როგორც წევრმა. დავების გადასაწყვეტად ნებისმიერი საქმისწარმოება უნდა წარიმართოს ინდივიდუალურ საფუძველზე და არა კლასობრივ, კონსოლიდირებულ ან წარმომადგენლობით სარჩელში.

პირობების აღსრულება. თუ არსებობს ამ პირობების რომელიმე ნაწილი, რომლის აღსრულებაც იურიდიულად არც თქვენ და არც ჩვენ არ შეგვიძლია, ეს ნაწილი იგნორირებული იქნება იმ ზომით, რა ზომითაც ის არააღსრულებადია, მაგრამ ყველაფერი დანარჩენი დარჩება აღსრულებადი.

ჩვენთან დაკავშირება. თუ ამ პირობებთან დაკავშირებით რაიმე შეკითხვა გაქვთ, გთხოვთ, დაგვიკავშირდეთ მისამართზე [email protected]. თუ გჭირდებათ მხარდაჭერა სერვისებთან ან პლატფორმასთან დაკავშირებით, გთხოვთ, დაგვიკავშირდეთ ელფოსტით მისამართზე [email protected], ან დაგვიკავშირდეთ აპლიკაციაში ხელმისაწვდომი მხარდაჭერის ფუნქციების საშუალებით.